DAGYAW 2025

𝗗𝗔𝗚𝗬𝗔𝗪 𝟮𝟬𝟮𝟱 𝗢𝗽𝗲𝗻 𝗚𝗼𝘃𝗲𝗿𝗻𝗺𝗲𝗻𝘁 𝗧𝗼𝘄𝗻 𝗛𝗮𝗹𝗹 𝗠𝗲𝗲𝘁𝗶𝗻𝗴 𝘆𝗮𝗿𝗶 𝗻𝗮 𝘀𝗮 𝗡𝗲𝗴𝗿𝗼𝘀 𝗢𝗰𝗰𝗶𝗱𝗲𝗻𝘁𝗮𝗹 𝗸𝗮𝗴 𝗕𝗮𝗰𝗼𝗹𝗼𝗱 𝗖𝗶𝘁𝘆! Sa pinakauna nga higayon, partikular nga magahiwat sang DAGYAW para sa probinsya sang Negros Occidental kag siyudad sang Bacolod agod hatagan kasayuran ang mga topiko sa komunidad nga nagakinahanglan sang nagakaigo nga atensyon kag solusyon. Ini paagi sa pagpulong-pulong sa tunga sang gobyerno kag mga sektor sang sosyodad, ilabi na ang Civil Society Organizations (CSOs) nga ginarepresenta ang interes sang mga pumuluyo. Sini nga 2025, ang DAGYAW Open Government Town Hall Meeting para sa Negros Occidental kag Bacolod City may tema nga "Binhi sang Agrikultura sa Dakbanwa: Sa Komunidad nga Malig-on kag Nagahili-ugyon, Lamesa sang Pamilya Negrosanon may Kalan-on!" Ini nga topiko magasentro sa mga potensyal nga tikang kag mga napamatud-an na nga maayo nga buluhaton sa pagsiguro nga may kalan-on sa lamesa ang tagsa ka Negrosanon. Ang “Dagyaw” sa Hiligaynon nagakahulugan sang bayanihan—ini nga tradisyon amo ang igapadayon sang DAGYAW 2025 sa probinsya agud mapasanyog ang paghiusa para masolusyunan ang masami nga mga kabudlayan sang komunidad. Gani, mag-ululupod kita sa Setyembre 16 sa SM City Bacolod Main Atrium umpisa alas-11 sang aga! Dali na kay ma-DAGYAW kita! #Dagyaw2025